«Анализдарығыҙ бик насар. Ашығыс рәүештә дауаланыуға аҡса күсерегеҙ!» — мутлашыусылар үҙ ҡорбандарын ошондай һүҙҙәр менән ҡурҡытырға мөмкин.

Мутлашыусылар яңы схема ҡуллана һәм табип булып ҡылана:

Үҙен белгес тип танытып, енәйәтселәр ҡорбандарына һуңғы анализдарығыҙҙы ҡабаттан тикшереүҙәре һәм һөҙөмтәләренең бик насар булыуы хаҡында хәбәр итә.

Артабан «табип» әлеге мәлдә «пациент»тың диагнозы буйынса дауаланыу программаһына яҙылыу барыуын белдерә. Дауаланыуға алдан яҙылыу өсөн аҡса күсерергә кәрәк, ти.

Мутлашыусылар ышандырырлыҡ итеп эш итә: ниндәй анализдар тапшырырға кәрәклеген, ниндәй документтар әҙерләргә һәм дауаханаға ятыу өсөн ниндәй әйберҙәр йыйырға кәрәклеген әйтәләр.

 Ни өсөн шулай килеп сыға?

Енәйәтселәр урланған йәшерен мәғлүмәт менән файҙаланырға мөмкин, шуға күрә улар ысын табиптарҙың исемдәрен һәм һеҙҙең ысынбарлыҡтағы диагнозығыҙҙы атай.

❓ Үҙеңде нисек һаҡларға?

Мәғлүмәтте ҡабаттан тикшерегеҙ. Рәсми сайттан медицина ойошмаһының ҡыҙыу линия номерын табып, һеҙгә ысынлап шул ойошманан шылтыратҡандармы-юҡмы икәнен белегеҙ.